LIBRONG KUMIKINANG

                                                              "LIBRONG KUMIKINANG"
                                                                   ni: ISRAEL,MERCY A.


                                                               Nabubuhay ng hindi siya kilala
                                                               Sa dilim,naglalakad pa ng mag-isa
                                                               Miserable buhay na kinamulatan
                                                               Nagtatanong sa iba't naguguluhan

                                                               Nagnanais tunay na kaligayahan
                                                               Kapangyarihan kaya ang kailangan?
                                                               Pera ba ang siyang dapat mahawakan?
                                                               O maging sa tagumpay at kasikatan?

                                                               Isang maliit na libro ang naaninag
                                                               Sa mataý kumikinang, di natitinag
                                                               Pinagmasda't may gustong maalala
                                                               Galing pala sa Ginang na basurera

                                                               Pilit na binasa kahit umaayaw
                                                               Mga luha ay unti-unti ng umapaw
                                                               Ang ulo ay parang inuntog sa bato
                                                               Nakalaya sa pagkukulong ang puso

                                                               SIYA, tanging dahilan ng pagdurusa
                                                               Pagkat hindi tinanggap regalong dala
                                                               Napakaliwanag ng ilawang alay
                                                               Para sana sa masukal na paglalakbay

                                                               Tunay na kaligayahan, natagpuan
                                                               Wala sa pera,ginto o kayamanan
                                                               Kahit sa kasika't kapangyarihan
                                                               Sapagkat SIYA ang kinakailangan

                                                               Nag-antay SIYA at di man lang nang-iwan
                                                               Kumakatok ngunit hindi siya pinagbuksan
                                                               Ngayon ay nagsisisi at handa na
                                                               PANGINOON sa buhay ko'y mamuhay ka.
                                                                                                                 

"KAIBIGAN"   

ni; Rina Mae Cariño

Mahirap hanapin ang mabuti at tunay na kaibigan 

Ang iba'y andiyan lang sa tuwing may kasiyahan 

Kapag dumating ang kagipitan at kabiguan 

Kikilabutan ka't iyong malalaman, 

ang mga kaibigan iyong inaasahan 

Ay babaliwalahin, tatalikuran ka't hahayaan. 

Kung kailangan mo ng masasandalan at may isang  

daang hakbang sa ating pagitan, 

Kunin mo ang isang hakbang upang ako'y malapitan 

At ako naman sa siyam napu't siyam na hakbang para  

ika'y mapuntahan  

Hindi man ako sing 'close' nang close friend mo  

Sing 'daBhest' ng bestfriend mo,   

Hindi man sing perpektong kaibigan na pwede mong takbuhan, 

Lagi mong tatandaan na andito lang ako palagi kapag 

kailangan mo nang kaibigang masasandalan

  

Dumaan man ang maraming panahon 

Dumating man ang bagong henerasyon 

Magdaos man ng gulo't rebolusyon 

Ako pa rin ang kaibigan mong lubos, noon hanggang ngayon! 

UNKNOWN 

ni: Kathleen Kate Pabia

Nakaupo sa isang sulok

Nakakatitig sa kawalan 

Sabay sa pagpatak ng luha

Ang pagbalik ng nakaraan.

Hindi ko lubos maisip 

Ako ba ay nagkulang?

Ikaw ba'y napabayaan?

Bakit tila ako lamang ang nasasaktan?

Ganyan, ganyan ang aking naramdaman

Nang ako'y iyong iwanan

Hindi ba't masyadong mabilis at biglaan?

Umalis ka nang hindi nagpapaalam.

Nasaan kana?

Ako'y iyong masdan.

Nag-iisa at walang sigla.

Ikaw ba'y matutuwa o maaawa?

Sa loob loob ko'y nagtatanong,

BAKIT DUMATING KA PA?

BAKIT NAKILALA PA KITA?

kung mang iiwan ka lang pala.

Kailangan ba talagang 

maranasan ko ang ganito?

Ang masaktan at lumuha?

Talaga namang ang lupit mo TADHANA!

TIGSIK

ni : Archie R. Piloneo

Tigsik ko ang samuyang klase aba anang riribok mi permi

Saro na ako duman na dae mapahuri

Kami maugma permi, kaya dae ka magiging lonely

Kaya kung permi kang tuninong sa klase, mag asa ka nang permi kang OP.

Tigsik ko man ang mga kaklase kong para DOTA

Kada vacant nasa LEE VI'S permi  sinda

Kung subject sana ang pagdoDOTA baad FLAT1 na grades ninda

Kaya kung maghapot ka sa klase kung isay regular sa LEE VI'S permi sarabay masabing si JOSE.

Ako naugma, QUALIFYING EXAM mayo na daa

Bako sa rason na dae ko kaya 

kundi habo ko na mabawasan ang SE1A na mga BOA-BOA

Ta saro sinda sa nagpapaugma sako ning sobra sobra.

 Tigsik ko ang FILIPINO subject na an

Ta tigmamaliit ko sana pati an

Pero kas nag-abot si SIR LIBANG

Ipinamukha niya samo na ang FILIPINO subject na dae tig "FILIPINO SANA AN"

Digdi tigtapos ko na ang sakuyang tigsik

Guys sana dae magbag'o ang satong pag-iriba 

Tsaka sana maugma kamo sa sakong OBRA

Tanganing halangkaw ang marka ko na makua

                 "Kabataan ngayon,Nasaan ka?"

NI: MARY JINE A.NAREZ

                                            Mga kabataan ngayon,
                                               Ohh aking kapwa mga kabataan,
                                                         Nasaan kayo ngayon?
                                             Ngayon na tayoy kailangan ng bayan.  

                    Nasaan na ang sinasabing pag-asa ng bayan?
                                   Ngayon ay nakalugmok sa karimlan,
                                  Halina't magpakatatag at bumangon,
                                       Mga unos at dagok ay labanan.

                                         Sa kahirapan tayo ay umahon,
                                    Edukasyon ang nag-iisang sulosyon,
                                             Pag-aaral ay ating unahin,
                                          Mga magulang ay wag biguin.

                                    Halina't imulat ang ating mga mata,
                                    Sa mga realisasyong nagaganap na,
                                               Tayo na at makibaka,
                                           Sa pagsubok ng bawat isa.              

                            

                       

Jeepney ng buhay ko! By: Andyl Joy Negro

Ang Buhay ay isang mahabang paglalakbay... 

“Beep! Beep! Beep!”

“PSU! PSU! Oh Goa diyan!”

“Oh dalawa na lang lalarga na!”

“Kaysa pa isa, usog lang ng unti!”

            Maingay, mainit, maalikabok… Iyan ang buhay sa jeepney. Mga pasaherong papunta sa iba’t-ibang distinasyon. Iyan ang lagi kong nararanasan bilang isang beteranong pasahero ng jeepney ni manong driver sweet lover (eww!). bawat araw ko pilang pasahero ay isang bagong experience na tumatatak sa katauhan ko bilang Noypi!

            Nagsisimula ang buhay pasahero sa parkingan nito. Hindi lang ako ang umaabang sa ala mercedez benz ni manong driver, mangilan-ngilang estudyante, guro, magulang, tinder at siyempre ang siempleng tambay sa tindahan ni aling Nena. Tsimpohan rin sa pag-abang sa jeeepney, kaya wag ka laging pahuhuli! Baka matapat ka sa tambutsuhan, baka mabugahan ka ng “FREE-PERFUME” na dinaig pa ang /bench at aficionado sa sobrang bango! Pramess!

            Isa lang naman ang ayaw kong challenge bilang pasahero: ANG MAKIPAG-UNAHAN SA PASAHERO! Para ata akong sumali sa 1 vs 100 sa tindi ng tulakan! Tinalo pa ang stampeded sa LRT at MRT. Feel ko tuloy para akong Last minute shop sa Divisoria, ayos diba? Minsan buwis buhay pa kasi pasahero na mismo ang umaabang sa humaharurot na jeep!

            Speaking of pasahero, Marami-rami na rin akong na obserbahan sa kanila at klinasify ko pa ang katauhan nila!

·         Unli FB- pasaherong laging nakaonline kadalasan sa android pone nila. Sila rin yung kadalasang nakakalampas sa distinasyon nila (#FBPaMore!).

·         The Emo- yung mga pasaherong nakaside-view habang dumudungaw sa bontana na akala mo may shooting sa MTV para sa bagong music video. Additional points kung may hawak pang gitara o kaya naman ay naka headset.

·         MTV- yung laging naka earphone o kung mayaman eh naka headset na kasing laki ng platito. Minsan ay may pa “beat-beat” pa at kung talagang feel na feel na sa music, nangli- lip-sync

·         Bubble Gang-  AKA “Arkilado-nila-ang-jeep” Gang. Sila yung grupo ng pasahero (kadalasan estudyanteng malalandi! ^___^V peace!) na di nauubusan ng kwento na kala mo hindi nagkita ng ilang dekada! Sila rin ang tinaguriang “Center of Destruction” sa jeepney, at kadalasang epicenter ng tsismis!

·         Friendship- sila ang mga kakilala mong hindi nakakalimut! Hindi sapat sakanya ang smile lang, kasi marami siang kwentong pasalubong sayo buhat ng matagal na pagkalayo.

·         E=mc²- tina- tinaguriang “Long lost brother” ni Einstein. Sila yung walang sawang kakaa-aral kahit pasabugin pa ng MILF ang jeep!

·         Messenger- pinsan nila Unli FB at MTV . Ang kaibahan nga lang, todo-todo ang pag-text at kung mayaman eh may call pa!

·         Forget me yes!- opposite sia ni friendship. Sia ang ayaw mong makita kasi kahit tawagin mo na’y wa epek pa rin.

·         No other woman- AKA “kabit” ng jeep! Sila ang taga kabit sa jeep ni manong!

·         Shop ‘til you drop- sila yung akala mo eh namakyaw na ng mga tindahan sa Divisoria!

·         Freer taste section- mga mababaeng may mahahabang buhok na kala mo may free taste  ng bagong brand ng noodles.

·         Artist of the year- mga reklamador awardee. Sila yung madikitan lang ng unti eh nanermon na na kala mo menoposal! Minsan ay may irap pang kasama! Pang FAMAS award eh!

·         Lovers in Paris- magkasintahang tudo kung maglandian este maglambing na kala mo gumagawa ng movie sa jeepney! Di rin maiwasan na pandirian at tsismisan ang ganitong klase ng pasahero. PDA kasi eh!

·         Parabolic Section- (note: para lang to sa lalaki) sila yung mga manong na kung makabukaka eh wagas! Sila rin ang palugi ki manong kasi imbes na dalawahan eh nagiging isahan na lang!

·         May hang-over sa NEW YEAR- sila ang pinakaayaw mong katabi dahil sa taglay nitong lakas na kayang talunin ang sinumang superhero dahil sa paPUTOK nito!

At siempre di rin mawawala ang…

·         Kinawawa- sila yung kadalasang 2 inches na lang ang inuupuaan. Lugi sila sa pamasahe at nagiging inipit kapag nagpreno ang jeep!

Sa dinami daming ng aking minahal este co-pasahero ko, masasabing ang simpleng pag-sakay sa jeepney ay sumasalamin na sa buhay ko bilang isang tao. Oo marami ang dumarating na nagbibigay tuwa, lungkot, tawa, kulangot at lung anu-ano  pang binigay nila (minsan eh problema!) may mga dati ng kilala na hindi pa rin nakakalimut at mayroon namang nakalimut na dahil sa katandaan (JOKE lang!). sa bawat mukhang nailalarawan ay manaiiwang bakas sa puso’t isipan ko (tinalo pa ata ang permanent ink!). ang buhay ko ay parang jeepney at ako ang driver nito. At kung ganun, bayad muna bago baba!

BAKIT MAHILIG SA UKAY-UKAY ANG MGA PILIPINO?

Bakit mahilig sa Ukay-Ukay ang mga Pilipino

 Ni Jesebel O. Abundabar

"Oi! Ang gaganda naman ng mga shorts mo at blouses! Saan mo binili 'yan?""Naku! mabibigla ka pagnalaman mo. Mga Zara, Mark and Spencers, Polo, DKNY at H &M 'yan.""Wow! Mga branded! ikaw na ang mayaman!".
"Oi! Ukay-ukay ang mga 'yan. Mura lang!"

'Yan ang mga usapang madalas natin marinig sa usapang ukay-ukay. Noong bata pa ako ay wala pang salitang "ukay-ukay". Sa aking pagkakatanda, ang uso noon ay "segundamano". Hanggang sa naging ukay-ukay na ang tawag sa segundamano. Parang animal ang pangalan. Ang ukay sa salitang Bikol na ang ibig sabihin sa tagalog ay unggoy at sa salitang Ingles ay monkey. Unggoy-unggoy. Monkey-monkey. Ha! ha! ha! Ewan ko kung sino nakaimbento nito. Hindi ko alam. Pero may kutob ako na ito ay galing sa salitang "halukay". Pwede! Havey. 

Segundamanong pantalon, shortd, T-shirts, blouses, bra, panties, at T-back. Oo, T-back! Kung iisipin, bakit ka bibili ng T-back na segundamano? Aminin mo, nandidiri ka noh?  Eh, baka hindi nilabahan! Ha! Ha! Natawa aki. Pero wag ka, may mga taong bumili niyan. Ibabad lang sa muriatic seguradong patay ang germs diyan. 

Pili diyan, pili dito. Halukay diyan, halukay dito. Makikita mo ang tuwa sa kanilang mga mukha sa tuwing may mahahanap silang maganda. "Success!"

Sabi ng Auntie ko sa America, madalas daw siya mag-ukay-ukay. Wow! Talaga! Akala ki ko sa Pilipinas lang ito. Mas natuwa ako sa kwento ng ate ko sa Saudi Arabia. Sabi niya pumunta sila ng mga kaibigan niya sa "Haraj", 'yon ang tawag sa ukay-ukay sa Saudi. Pumunta daw sila ng 5AM. Aba! Sarado pa daw ang mga tindahan., pero nakaabang na ang maraming Pilipino sa labas. Parang may sake ng H & M. Mga alasais daw naglatagan na ng mga paninda sa disyertong lupa. Gabundok na ukay-ukay! At ito pa, sako! Oo, sako ang dala ng ating mga kababayan! Swerte mo daw kung may matira sayong maganda. 

Naisip ko, sa Pilipinas, mayaman man o mahirap ay mahihilig sa ukay-ukay. Lahat ng dako ng mundo may ukay-ukay, at karamihan mga Pinoy ang namimili. Ang ukay-ukay ay tatak Pilipino. 

Bakit nga ba mahilig tayo mag-ukay-ukay?

Ako ay nagtanong-tanong sa ating mga kababayan sa loob at labas ng bansa kung bakit sila mahilig sa ukay-ukay. Ito ang aking mga nakalap na kasagutan:

1. Mura pero may dating

Sa ukay-ukay ka lang makakabili ng original branded na damut sa halagang kayang-kaya. Mayroong tigbebente, sengkwenta, at 'yong T-back na lingere na Victoria's Secret eh limang piso lang! 

2. Matibay

Magaganda ang tela, makapal at my dekalidad hindi gaya ng very famous na Made in China.

3. Fashionable

Dahil gawa sa ibang bansa, ito ay may magaganda at kakaibang sense if fashion. Kung gusto mo daw ng swimsuit na para kang artista, sa ukay-ukay ka bumili.

4. Makakadami ka ng mabibili

Sa halagang 500 pesos daw ay maaaring may dalawang plastic bag ka na na nashopping kung magaling ka sa tawaran. Samantalang sa mall, isa lang ang mabibili mo, sale pa. 

5. Ito naman ang opinion ko, amoy imported.

Lahat ng ukay-ukay mapa-Pilipinas man yan o ibang bansa ay iisa lang ang amoy, amoy ibang bansa. Havey na havey sa akin ang amoy.